Германскиот канцелар Фридрих Мерц изјави денес дека не може да има „диктиран мир“ во Украина и дека во интерес на Германија е да има блиски и „рамноправни“ политички односи со Полска во време кога се соочуваат со „заканата од ревизионистичкиот режим на Русија“.
Особено во овие времиња, кога европското единство е под таков притисок, не смееме да дозволиме да бидеме поделени, изјави Мерц на заедничката прес-конференција по средбата со полскиот премиер Доналд Туск во Берлин, објавува „Гардијан“.
Мерц повика на поблиска соработка во областа на одбраната и безбедноста, вклучително и одбрана на источниот крило на НАТО со германски борбени авиони со седиште во Полска и заедничка работа на беспилотни летала.
Тој оцени дека е потребно да се модернизираат прекуграничните железнички врски на двете земји и да се зајакнат другите транспортни иницијативи.
Тој изјави дека е потребна поблиска координација кога станува збор за мировните преговори за Украина.