Published: Tuesday, February 21, 2017 09:12
Тирана го подржува потпишаниот Договор за демаркација на границата меѓу Косово и Црна Гора, изјави претседателот на албанскиот Парламент, Илир Мета по средбата со неговиот косовски колега Кадри Весели.
Мета ги повика пратениците во Собранието на Косово да го ратификуваат Договорот, на чие усвојување жестоко се противи косовската опозиција.
“Искажуваме целосна подршка на Договор за демаркација на границата со Црна Гора, од кој зависи либерализацијата на визниот режим за граѓаните на Косово и надминувањето на политичката стагнација”, рече Мета.
Тој изрази поддршка и на продолжувањето на дијалогот меѓу Белград и Приштина. Весели од од друга страна изјави дека Приштина ќе продолжи со ангажирањето околу ратификација на договорот за демаркација.