Метео: Претпладне сончево, попладне со услови за локален дожд

Времето во земјава денеска ќе биде сончево со мала до умерена локална облачност и со слаб променлив ветер. Од пладневните часови, претежно во источниот дел, ќе има услови за појава на краткотраен дожд. Утринската температура ќе се движи од 1 до 7 степени, а дневната од 14 до 25 степени.

Во Скопје ќе биде сончево со мала локална облачност и со слаб променлив ветер. Утринската температура ќе се спушти до 3 степени, а дневната ќе достигне до 23 степени.

Од почетокот на следната недела ќе има услови за локална појава на краткотраен пороен дожд и ретки грмежи претежно во попладневните часови. Дневните температури ќе бидат без значителна промена.