Метео: Сончево и топло време со температури до 32 степенa

Времето во земјава ќе биде претежно сончево и топло, проследено со слаб до умерен ветер од северозападен правец. Утринската температура ќе се движи од 5 до 14 степени, а максималната ќе достигне од 24 до 32 степена. УВ-индексот ќе изнесува 8.

Во Скопје ќе биде сончево и топло со слаб северен ветер. Утринската температура ќе се спушти до 10 степени, а дневната ќе достигне до 29 степени.

Во недела во попладневните часови ќе има локална појава на пороен дожд и грмежи. Од понеделник следува период на променливо облачно време, на повеќе места нестабилно со пороен дожд и грмежи. Локално процесите ќе бидат поинтензивни со пообилен дожд, електрични празнења, засилен ветер и услови за појава на град.