– Министерството за здравство во Појасот Газа, под контрола на Хамас, денеска соопшти дека од почетокот на војната во израелските воени операции загинале 20.915 луѓе.
Билансот на жртви вклучува 241 загинат во изминатите 24 часа, соопшти Министерството.
Исто така, беше кажано дека 54.918 Палестинци биле ранети во војната што започна на 7 октомври.
Во Израел, најмногу луѓе, повеќе од 1.200, беа убиени на првиот ден од војната во прекуграничните напади на палестинските екстремисти, предводени од исламскиот Хамас, на јужната израелска територија.
Истиот ден, околу 240 заложници беа однесени во Газа.
Тогаш беа убиени околу 300 припадници на израелските безбедносни сили, а 158 војници беа убиени во копнените операции, кои започнаа по десетдневното бомбардирање на палестинската енклава.