Дисциплинска комисија која ќе го испита целиот случај во врска со повикувањето на новинарката Соња Колевска-Делевска во полициска станица за објавен текст формирало Министерството за правда.

„Министерството за правда ќе ја преиспита постапката на раководителката и ќе преземе сè што е во рамките на надлежностите и ингеренциите, а во најкус можен рок и ќе се произјасни. Министерството за правда ќе направи сè за да ја заштити слободата на изразување и говор, која е неприкосновено право во секое демократско општество”, се вели во соопштение што го објави порталот СДК.

Во однос на наводите на адвокатка дека ѝ бил побаран поткуп од раководителка во Министерството за правда, велат дека за тоа прашање постојат надлежни институции, каде што засегнатите страни можат да се обратат.