Изборите на 11 декември претставуваат можност за земјата да направи нов почеток, да се обедини околу заедничките стратешки цели и да се врати кон евроинтегративниот пат, се вели во изјавата од Мисијата на Европската унија во Скопје по повод почетокот на изборната кампања.

– Ги поттикнуваме политичките лидери, нивните партии и релеватните фактори да го искористат изборниот процес и да ја реафирмираат и да ја демонстрираат нината посветеност кон демократските вредности и владеењето на правото, како и да покажат подготвеност да одговорат на предизвиците со кои се соочува земјата. Во таа смисла, изборите ќе бидат важен индикатор за почитувањето на демократските вредности.

Ги повикуваме политичките лидери, членовите на партиите и останатите актери да спроведат кампања без закани и насилства и на начин пшто нема да поттикне политики и мешуетнички тензии и да ја продалбочи поларизацијата.

Ја повторуваме важноста од јасна поделба на државните и партиските активности пред, за време и по изборите.

Ги поттикнуваме медиумите да им обезбедат на граѓаните различни и објективни информации кои им се потребни да донесат реална одлука на изборниот ден.

Апелираме до сите државни институции да ја поддржат работата на Државната изборна комисија да ги подготви овие избори.

-Само фер и крдибилни избори потврдени од меѓународните посматрачи ќе и дадат на новата влада и на новиот парламент силен мандат. Главен приоритет треба да биде искрен ангажман во спроведувањето на сите елементи од Договорот од Пржино, посебно Итните реформски приоритети.

Реформата треба да ги вклучува сите како и гласот на граѓанското општество. Дополнително, воспоставувањето на законска и политичка одговорност за снимањето и содржината на прислушуваните материјали е неопходен елемент за затворање на поглавјето на политичка криза, за што се заложија сите актери.

Секој глас е значаен и затоа ги повикуваме сите граѓани да го искористат нивното демократско право да гласаат и на тој начин да ја кројат иднината на земјата. Апелираме до сите политички партии да ги прифатат резултатите од кредибилни избори.

ЕУ, се истакнува на крајот од изјавата, дека ќе продолжи да ги поддржува сите демократски реформски процеси што ќе водат до враќање на евроатпанскиот пат на земјата и е подготвена да остане ангажирана до крај.