Претседателот на ВМРО ДПМНЕ, Христијан Мицкоски одржа прес конференција на која иако рече не ја свикал за да суди туку да апелира, сепак не ја пропушти можноста да ги обвини властите дека состојбата на терен била пресложена и критична, и дека системот потфрлил.
„Сакам да испратам апел за целосна мобилизација на се што може да се мобилизира од институции, ресурси и човечки потенцијал и заеднички да се спротиставиме на огнениот пустош. Апелирам, човечки молам, владините институции да го прават тоа за што се платени, да му служат на народот. Граѓаните се исплашени и под притисок. Имаат чувство дека се оставени на цедило. Сакам да направам јасна разлика и да потенцирам дека народот, пожарникарите и службите кои се на терен и помагаат, ја имаат мојата помош и поддршка, но она што недостасува е отсуството на институционално раководење со тие сили“ , смета претседателот на ВМРО ДПМНЕ.
Одговарајќи на новинарско прашање Мицкоски , рече дека сега не е време за политиканство, туку за помагање.
Тој иницира потреба да се свикало итно Собранието со точка на дневен ред , состојбата со пожарите и да се формирало цнтрално кризно тело , за координација со пожарите.
Прес конференцијата ја заврши со реченицата„ Со подадена рака, со споделена мака, заедно ќе бидеме уште посилни“.