Лидерот на опозициската ВМРО-ДПМНЕ, Христијан Мицкоски на трибина од скопски Карпош најавува просечна плата од 750 евра, односно 45.000 денари. Мицкоски најави и формализирање на тргувањето со криптовалутите и имплементирање на „Blocкchain“ технологијата. Ова тој го најави н а трибина во скопската општина Карпош при промоција на политиките под концептот „Македонија за сите луѓе“.
– Наместо да станеме земја извозник на дрога и марихуана, да станеме земја којашто ќе апсорбира капацитет и ќе го легализира и ќе ги апсорбира практично сите можности кои што ги нуди трговијата со крипто валутите, а верувајте ми таа не е мала. Некаде околу половина милијарда евра можат тие приходи да бидат директно во буџетот и во економијата доколку започнеме сега и бидеме првенци во регионот, изјави Мицкоски.