Мицкоски: Владата ги задолжи граѓаните за нови 280 милиони евра

За неполни шест месеци Владата ги задолжи граѓаните за нови 287 милиони евра, алармира претседателот на ВМРО ДПМНЕ, Христијан Мицкоски. Тој на Фејсбук напиша дека буџетскиот дефицит за периодот од 1 јануари 2021 до 22 јуни 2021 изнесува 17,7 милијарди денари или 287 милиони евра, што според него е нов долг за Македонија и граѓаните.

„Во периодот од 1 јануари 2021 до 22 јуни 2021 Владата на Зоран Заев и СДСМ го задолжи секој граѓанин за нови 8.840 денари или за 143 евра. Од новиот долг што го направи Владата на Зоран Заев и СДСМ во капитални инвестиции потрошени се само една третина од парите. Каде исчезнаа останатите две третини од потрошените пари или околу 190 милиони евра?“, прашува Мицкоски.