Лидерот на опозицијата во грчкиот парламент Кирјакос Мицотакис остро ја нападна Владата на Ципрас за лицемерие и ги повика пратениците вечерва да изгласаат  недоверба на Владата и да спречат утре да се потпише договорот. Ако се потпише Договорот, ќе нема враќање назад, кажа Мицотакис и додаде дека ако се изгласа недоверба ќе се распишат избори и договорот со соседите ќе пропадне.

 „Гласањето„против“ предлогот за недоверба е гласање „за“ потпишување на договорот Ципрас-Заев утре. Сите вие ​​ќе гласате за  правата на нашите соседи, не само да се идентификуваат себеси како како Македонци, туку да бидат признати како Македонци од сите. И од Грција. Задолжително“ рече Мицотакис.

Тој го обвини Ципрас дека направил се, што претходно ветувал дека нема да го прави.

“Со договорот, државата во Скопје е географски решена, но нејзините луѓе не се. Нејзините жители ќе бидат наречени Македонци и ќе речат дека зборуваат македонски јазик. Дали разбирате што ќе направите, г-дине Ципрас?“ кажа Мицотакис.

Исто така тој го обвини претседателот на  Независни Грци, Панос Каменос, кој е владин партнер на Ципрас за политичка хипокризија и цинизам и дека ја заслужува Нобеловата награда за измама. Тој го потсети Каменос на неговите претходни изјави дека „никогаш нема да се откажеме од традицијата на името на Македонија”.

Вечерва се очекува да се гласа по предлогот што го поднесе Нова демократија за недоверба на Владата на Ципрас.