Ова се дел од параметрите до кои дошле од Младинскиот отворен форум и Фондацијата за демократија на Вестминстер, во истражувањето спроведено во декември 2020 година врз 1053 испитаници во сите 8 региони на државава на возраст од 15-35 години и од сите етнички групи
Се топат очекувањата на младите во поглед на тоа дали некогаш земјава ќе стане членка на ЕУ. За 16 проценти паднале очекувањата кај младите споредено со 2019-та година, па сега овој процент изнесува 44 отсто за разлика од нивното мислење пред 2 години , кога изнесувало 60%. Просечната година во која мислат дека тоа ќе се случи е 2026. Песимизам е забележан и во поглед на тоа дали земјата се движи во правилна насока. Падот е забележан исто така во периодот од 2019-та година наваму. Па така 1/4 од младите сметаат дека државата се движи во правилна насока додека над 1/3 дека правецот упатува кон погрешна насока. Ова се дел од параметрите до кои дошле од Младинскиот отворен форум и Фондацијата за демократија на Вестминстер, во истражувањето спроведено во декември 2020 година врз 1053 испитаници во сите 8 региони на државава на возраст од 15-35 години и од сите етнички групи.
Студијата покажува дека 69% од младите никогаш не биле консултирани од институциите, наспроти една третина или 27%, кои биле консултирани на локално или национално ниво. Бројот на испитаници кои никогаш не биле консултирани се намалил за 15% во споредба со истражувањето од 2019 година, што претставува подобрување. Важноста од вклучувањето и активноста на младите генерации ја покажува податокот дека младите кои се вклучени во младинско организирање, имаат попозитивна слика за себе и своето место во општеството.
Само една третина од младите (29%) сметаат дека властите се запознаени со нивните потреби и проблеми. Кога станува збор за младите лица со попреченост, само 8% сметаат дека властите целосно или прилично се грижат за нив и нивните проблеми.
Анкетираните млади покажуваат висока свест за гласањето, од нив на парламентарните избори во 2020 гласале 74,7%. Една петина од младите 20,3% велат дека редовно преземаат активности за решавање на општествени проблеми, а една третина од тие кои делувале 33,4% успевале да го решат проблемот.
Пандемијата не ги одмина младите, речиси на 15% им се намалила платата во текот на кризата, додека 6% ја изгубиле работата. Во поглед на образованието, младите кои се во образовен процес даваат просечна оцена 3 за квалитет на наставата за време на пандемијата.
Во случај дали кога би имале можност , би заминале надвор од државата , 6 од 10 млади би заминале , додека 1/4 би се вратиле доколку би се подобриле условите во општеството.
8 од 10 млади сметаат дека властите не се грижат за младите а 7 од 10 млади сметаат дека политичарите не се запознати со нивните потреби.
Просечна оценка на довербата во институциите е 2,5, а највисока доверба со 2,7 проценти има Агенцијата за млади и спорт , а потоа се средношколските и студентските организации.Најниски оценки , во овој дел, имале политичките партии и Собранието.
Најголема поддршка кај младите би имал лидер со цврста рака . За таков лидеф се изјасниле 60% од испитаниците а дополнителни 16% се согласуваат со ваквата изјава.
Во споредба со 2019 евидентирано е покачување на согласноста за поголема вклученост на лица од ЛГБТИ заедницата во општествените процеси.
Од Младинскиот отворен форум на денешниот Меѓународен ден на младите излегоа со неколку препораки:За да се подобри животот на младите во земјата, дел од клучните препораки се да се гарантираат средства во државниот буџет за млади и младински политики, општините да формираат локални младински совети и да отворат младински центри, а политичките партии да се заложат младите да бидат застапени во програмите и на кандидатските листи на претстојните локални избори. Да се поддржува младинското организирање и законски да се гарантира средношколското учество. Институциите да работат на информирање и едукација на младите за потребата од вакцинација за спречување на ширењето на КОВИД-19.