Published: Tuesday, November 22, 2016 21:54
Меѓународниот монетарен фонд ја охрабри Владата да ја подигне старосната граница за пензионирање и зголемување на стапките на придонеси.
Во најновиот извештај ММФ посочи на одржливоста на фондот за пензиско и инвалидско осигурување. Алармира дека ПИОМ се соочува со проблем поради намалените придонеси, но и поради стареењето на населението. Доколку не се превземат мерки, дефицитот во фондот ќе се зголеми двојно до 2030 година предупредува ММФ.
„За да се обезбеди одржливост, властите се охрабруваат да го разгледаат подигањето на законската возраст за пензионирање со оглед на јазот со просекот на ЕУ, ревизијата на индексирање да се поврзе најмногу со трошоците на живот како што е случајот со земји во ЕУ, спроведувањето на политиките за зголемување на учеството на работната сила, и зголемување на стапките за придонес“препорачува ММФ.
Светска банка исто така посочи за лошата состојба во која се наога ПИОМ. Дури 45 % од парите се префрлаат од буџетот кон фондот за да исплаќаат пензии. Проблемите со Фондот за пензиско и инвалидско осигурување започнаа кога започна реформата за формирање на приватни пензиски фондови. Но добија на интензитет со растот на пензниите и со намалените приходи од придонеси. Финасискатра состојба на ПИОМ постојано се влошува.
Веќе циркулира предлог, мажите да можат да одат во пензија на 67 години, а жените на 64, а не како досега во пензија да се оди со 64 и 62 години.