Велика Британија денеска потврди уште 10 инфекции со загрижувачката варијанта на коронавирусот Омикрон, со што вкупниот број се искачи на 42.
Британската агенција за здравствена безбедност објави дека уште седум случаи на сојот Омикрон се откриени во Англија, додека уште три заразени лица се идентификувани во Шкотска.
Британскиот премиер Борис Џонсон пред два дена изјави дека Владата сака на сите возрасни лица да им понуди засилувачка доза на вакцина против коронавирус до крајот на јануари следната година, поради страв од ширење на Омикрон.
Нашата цел е да понудиме бустер дози на сите што ги исполнуваат условите до крајот на јануари, рече Џонсон.
Тој додаде дека е малку веројатно повторно да се воведат мерки за затворање.