Еквадор преговара со британската Влада за ситуацијата со основачот на Викиликс, Џулијан Асанж изјави денеска еквадорскиот претседател Ленин Морено во Мадрид.
Британскот весник Сандеј тајмс претходно објави дека високи претставнивци на Еквадор и Британија разгледуваат како да биде преместен основачот на Викиликс од дипломатската мисија по поништување на неговиот азил. Извор близок до Асанж вели дека ситуацијата е во решавачка фаза.
Асанж живее во Амбасадата на Еквадор во Лондон од 2012 година, откако еквадорските власти му дадоа азил, со што основачот на Викиликс избегна екстрадиција во Шведска, каде е обвинет за силување. Асанж е обвинет и во САД поради објавување на доверливи информации.
Шведска во меѓувреме се откажа од обвинението, но Асанж верува дека ако ја напушти Амбасадата ќе биде екстрадиран во САД, каде ќе биде испитуван за активностите на Викиликс.