Рускиот претседател Владимир Путин денеска во Москва ќе се сретне со американскиот специјален пратеник Стив Виткоф, во момент кога Вашингтон изразува „голем оптимизам“ за можен договор за прекин на војната во Украина.
На средбата се очекува да присуствува и Џеред Кушнер, кој учествуваше во преговорите во Флорида каде украинските и американските претставници ги усогласуваа контурите на мировниот план.
Украинскиот претседател Володимир Зеленски ги оцени дискусиите како „конструктивни“, но предупреди дека остануваат „тешки прашања“, особено околу територијалниот интегритет и безбедносните гаранции за Украина.
Москва продолжува да инсистира на територијални отстапки, нешто што Киев категорично го одбива, додека европските лидери нагласуваат дека секој договор мора да биде усогласен со Украина и Европа.