Маверик Вињалес на Јамаха триумфира во трката за Големата награда на Аргентина што е негова втора победа во Мото ГП шампионатот во оваа сезона по воведната во Катар. Второто место го освои Валентино Роси со 2,91 секунди послабо време од победничкото, трет беше Кал Крачлоу (+3,75 секунди). Без пласман останаа актуелниот светски шампион Марк Маркез, Хорхе Лоренцо и Дани Педроса.
Вињалес е прв возач на Јамаха во последните три децении што успеал да прослави две победи на стартот на сезоната. Шпанецот е лидер во генералниот пласман со максимални 50 бода, 14 повеќе од Роси на второто место.
Мото ГП шампионатот продолжува наредниот викенд на патеката во Остин со трка за ГН на САД.