Сметаме дека има место за земјите од Западен Балкан во ЕУ и тој процес не треба да биде запрен, вели полскиот амбасадор во Македонија Јацек Мултановски во неделното интервју на Радио Слободна Европа.

„Ставот на Полска во однос на прашањето за проширувањето на Европската унија е дефинитивно тој дека ние сметаме оти сме промотор на политиките на проширувањето, еден од повеќето промотори во ЕУ за идејата на проширувањето. Сметаме дека има место за земјите од Западен Балкан во ЕУ и тој процес не треба да биде запрен. Затоа ние ја почитуваме вашата вредна работа и исто така се обидуваме да ја промовираме оваа идеја и сега трендот во ЕУ е доведување на стабилност, економски развој, зголемување на животниот стандард. Истовремено, станува збор за безбедност и ние ова прашање многу го цениме. Од сето тоа имаме голема корист, сакаме земјите од Западен Балкан да имаат корист од овој процес и ја поддржуваме вашата и нивната улога во насока да станете членка на ЕУ“вели тој.

На прашањето колку ризиците од засиленото руско влијание на Балканат придонесуваат ЕУ и САД повеќе да се заинтересираат за решавање на спорот за името меѓу Македонија и Грција, тој вели:

„Може да кажеме дека Русија извршува многу агресивна политика кон Западот и нејзините обиди се со цел промена на меѓународниот поредок, неземајќи ги во предвид меѓународните обврски. Истовремено, сакам да потенцирам дека ние како земја членка на ЕУ и НАТО сакаме да имаме прагматични односи со Русија, да имаме дијалог, но истовремено да го почитуваме меѓународното право. Она што се случува сега во насока на односите меѓу Република Македонија и Грција, исклучително е важно како тие ќе се развиваат за идната стабилност на земјата и на регионот. Разбирам дека не сите земји членки на НАТО се заинтересирани да кажат Македонија и направени се некакви обиди за запирање на овој процес, но оваа можност која можеме да ја видиме во моментов за решавање на прашањето за името е важна, а ЕУ и НАТО треба тоа да го искористат“ вели Мултановски во интервју за Радио Слободна Европа.