МВР соопшти дека девојчето штитеник на ЈУ за згрижување на деца со воспитно-социјални проблеми, од крајот на 2016 и во текот на 2017 година и 2018 година девет пати било пријавувано за исчезнато лице од страна на вработени во социјално-згрижувачките установи, при што во сите девет случаи.
Во документираните случаи, МВР разговарале со лица инволвирани во незаконски дејствија од областа на кривични дела против половата слобода, за што се направени детални известувања доставени во надлежното ОЈО за натамошно постапување.
На 03.01.2017 по пријава за исчезнато лице, девојчето било пронајдено во населбата Шуто Оризари во домот на 68-годишниот Џ.К., која што со сила ја задржала во својот дом со намера да и биде снаа.
Констатирано било дека таму малолетничката имала сексуален однос со повозрасен човек.
МВР потоа разговарале со Џ.К., А.К. (44) и Ш.К. (39) и како можен сторител бил детектиран Ш.К. за што од страна на Единицата за насилен криминал при СВР Скопје, бил направен посебен извештај кој што на 12.01.2017 година е доставен до надлежен обвинител при ОЈО Скопје за натамошни насоки и постапување.
Во друг документиран случај, девојката била пријавена за исчезната од вработена во домот „25 Мај“ откако малолетничката се вратила во домот после извесен период на отсуство.
Вработената во оваа ЈУ пријавила дека, според кажување на девојчето, околу 2-3 недели во повеќе наврати имала сексуални односи со постаро лице.
МВР тврди дека веднаш било постапено по пријавата и од страна на СВР Скопје до Основното Јавно обвинителство Скопје било доставено писмено известување, а дополнително известување било доставено и на 15.02.2018 година.
На 13.11.2017 год. околу 22.30 ч. од страна на ЈЗУ Општа Болница – Детско одделение Велес во СВР Велес е пријавено дека кај нив е донесена малолетничката во безсознание.
На 14.11.2017 г., по барање на МВР, ОЈО издал писмена наредба за вршење преглед на детето во Судска медицина – Скопје. Врз основа на наодот од извршениот преглед, документирана е кривична пријава против Е.У. до ОЈО Велес за полов напад врз дете, а истрагата е проширена и на други лица, за што ќе биде поднесена кривична пријава до ОЈО.