По вчерашното алармирање за можни терористички напади, МВР денеска информира дека ситуацијата е под целосна контрола. Според најновите проценки направени од домашните служби, нема потврдени информации за терористички напади, јавува Алсат М.
За заканите кои можат да дојдат од соседните земји или регионот, службите и соодветните институции на Албанија и Косово се во целосна подготвеност да ги спречат. Полициските структури и служби се координираат за безбедноста во текот на велигденските празници.
Во меѓувреме, Алсат дознава дека полицијата на Косово пронашла бункер со оружје. Сепак, нема официјални информации за местото, количината на оружјето и можната поврзаност со некоја можна закана за Македонија. Соседните земји активирале операции кои се поврзуваат со тероризам, вклучувајќи и акции против лица поврзани со Исламската држава, како што беше апсењето на еден косовски државјанин вчера.
Вчера МВР ги заостри безбедносните мерки на сите нивоа пред велигденските празници. Таквиот чекор беше преземен по оперативните сознанија за можен напад врз верски објекти. Вчера исто така и косовската полиција ги заостри мерки, па дури преку итна наредба побара од регионалните полиции во Приштина, Гњилане, Урошевац и Призрен да го контролираат секој главен и спореден пат кој води кон Македонија.