МВР во денешниот билтен го потврдува инцидентот што се случил синоќа во периодот од 20,30 до 22,15 часот во Скопје на плоштадот „Јадран Сквер“, додека се одржувал јавен собир на ВМРО-ДПМНЕ.
-За време на одржување на собирот, во 21,55 часот во полициската станица Центар бил приведен Р.Р.(36) од Скопје, бидејќи прснал со гасен спреј за заштита во правец на бината, во време кога говорел претседателот на политичката партија ВМРО ДПМНЕ. Во 22,15 часот во истата полициска станица, Д.Г.(29) од с.Орешани-скопско кој бил во публиката во непосредна близина на бината, се пријавил како оштетено лице (испрскан од спреј-солзавец) од страна на Р.Р.
Против Р.Р ќе бидат поднесени прекршочни пријави по член 4 од Законот за прекршоци против јавниот ред и мир и член 80 од Законот за оружје, наедно издаден му е и платен налог во висина од 500 евра, се вели во соопштението.