За „N1info“, Сања Соврилиќ го пишува за следното за наводниот нон-пејпер за Косово:
Германскиот амбасадор на Косово, Jерн Роде, денес изјави дека таканаречениот француско-германски „нон-пејпер“ објавен од медиумот „Коха Диторе“ е лажна вест. “Можеби има таков документ, но тој сигурно не е француско-германски. Ние целосно го поддржуваме дијалогот меѓу ЕУ и Мирослав Лајчак, како што повтори германскиот министер за надворешни работи Хајко Мас во Приштина минатиот четврток”, напиша Роде на Твитер.
Коха Диторе ја објави содржината на наводниот нон-пејпер, во кој се вели дека „Косово и Србија ќе ги почитуваат меѓусебниот суверенитет и територијалниот интегритет и ќе има автономен регион на Северно Косово“.
Меѓу другите точки, „Коха Диторе“ наведува дека Српската православна црква ќе има посебен статус, додека Митровица ќе биде заедничка економска зона. Според овој документ, се предвидува дека сите постигнати договори досега да бидат спроведени, а конечниот договор да биде постигнат до февруари 2022 година.
Според овој „Коха Диторе“, редакцијата доби документ за кој се вели дека е „нон-пејпер“, подготвен од Германија и Франција, како заедничка иницијатива на овие две земји да го продолжат дијалогот и да го заклучат со конечен договор.
Автентичноста на овој документ не може да биде потврдена од „Коха Диторе“, но во текстот се наведува дека некои дипломати со кои разговарале потврдиле дека точките споменати во документот се повеќе или помалку во согласност со она што се дискутира во дијалогот.
Германскиот амбасадор ја демантираше оваа вест преку горе наведениот твит.