Границите лесно се поставуваат, но отстранување на границите е тежок процес. За жал, ние бевме сведоци на тоа, требаше веројатно година дена да се постават границите, а 30 години да се отстратнат бариерите за слободна трговија. Секако и со Берлинскиот процес, со иницијативата за заеднички регионален пазар, изјави вицепремиерот задолжен за економски прашања, координација на економските ресори и инвестиции, Фатмир Битиќи, одговарајќи на новинарско прашање дали утрешниот Форум ќе придонесе да се подобрат бизнис условите.
– Секако и со Берлинскиот процес но и со иницијативата за заеднички регионален пазар ние докажавме дека како земја сме еден од клучните чинители во овозможување на тој заеднички регионален пазар. На утрешниот економски форум ќе се потпишат неколку договори и во суштина ќе почне практичната имплементација за мобилност на луѓето и на стоките и услугите за побрза мобилност, рече Битиќи.
Тој истакна дека ќе се потпише договор за заедничко управување со кризни ситуациии и реакции во моменти на криза.
– Сметам дека утре во суштина е почетокот на имплементација на тоа што се зборува неколку години а е во склоп на Берлинскиот процес и е во склоп на тоа што беше наша заедничка агенда, а тоа е овозможување и креирање на регионалниот пазар затоа што само регионалната соработка значи поголема регионална конкурентност наспроти регионалната конкуренција за која што ние и те како зборуваме, рече Битиќи.