Маичката пронајдена на телото на помлад маж кој утринава се појави кај Ада Хуја е идентична со маицата што ја носеше Матеј Периш, ексклузивно дознава „Блиц“. Станува збор за темна маичка со апликација на јагуар и натпис со жолти букви. Телото на младиот маж е пронајдено на осум километри од местото каде последен пат бил виден Периш.
На неговото тело бил пронајден сребрен часовник на раката, додека во џебот од фармерките бил пронајден мобилен телефон, објави „Блиц“.
Матеј Периш бил облечен со истата маичка на фотографијата која кружеше по сите медиуми кога беше пријавено неговото исчезнување во Белград.
Новости објави и Фотографија од телото за кое се сомневаат дека е Матеј Периш, на која се гледа дека една патика се уште е на него.
Овој детал дополнително потврдува дека извлеченото тело најверојатно бил Матеј Периш по кој се трагаше пет месеци. Резултатите од ДНК анализата ќе бидат објавени утре.
Пронајденото тело на млад маж во Дунав, за кое се претпоставува дека е исчезнатиот Матеј Периш, е токму на истата локација на која пред осум години се случила сообраќајна несреќа во која загинале тројца млади луѓе, пишува „Телеграф“.
Тогаш животот го загубиле 20-годишниот Милош Јанковиќ, 18-годишниот Немања Антиќ и 16-годишната Анастасија Стајиќ. Немања и Анастасија седеле на задното седиште, а Милош бил во багажникот, каде што самиот влегол непосредно пред несреќата, бидејќи немало место за него во автомобилот.
На 21 ноември 2014 година, младите тргнале од забава во Првата белградска гимназија кон кафулињата на шеталиштетото Ада Хуја. Возачот на автомобилот, деветнасетгодишниот Душан Јовановиќ возел без дозвола и во алкохолизирана состојба. Тоа е причината поради која слетал право во Дунав од шеталиштето. Јовановиќ поминал без повреди, а совозачот Лука Вишњиќ имал скршеница на десната рака.
На истото место, утрово околу 9.30 часот е пронајдено тело на млад маж. Телото го пронашле морнари, а гардеробата со која е пронајдено телото одговара на онаа којашто ја носел сплиќанецот Матеј Периш во ноќта кога исчезна, меѓу 30 и 31 декември минатата година.