Доналд Трамп како да станува товар за Републиканците. Голем дел од републиканските сенатори вчера остро реагираа на равенството што американскиот претседател го стави помеѓу американската екстремна десница и борците против расизам. Изјава и однесување на Трамп поради кои белите националисти во САД задоволно тријат раце.
Денес реагираа и двајцата живи републикански претседатели – таткото и синот Буш. Ваква заедничка реакција на екс претседатели е реткост во американската политика. Тие двајцата во заедничко соопштение ја повикаа Америка “секогаш да го отфрла расизмот, анти-семитизмот и омразата во сите нејзини форми”.
Таткото и синот Буш не го споменуваат името на Трамп во нивната реакција но потсетуваат на зборовите на Томас Џефересон, автор на американската Декларација за независност од 1776 година во која пишува дека “сите луѓе се создадени еднакви”.
На зборовите на Трамп веќе реагираше демократскиот екс претседател Барак Обама.
На ставот на Трамп се радуваат само десните екстремисти. Прес конференцијата на Трамп во вторникот во Њујорк беше топло поздравена од еден екс лидера на Кју Клус Кланот Дејвид Дјук.
Белите националисти и нео-нацистите сметаат дека Трамп е на нивна страна по изјавата на претседателот дека антирасистичките милитанти исто така има одговорност во трагичните настани во Шарлотсвил.
“Овој човек прави апсолутно се што е во негова моќ за да не поддржи а ние имаме потреба од неговата поддршка. Отсега натаму ќе биде навистина тешко, многу тешко, да се критикува Трамп и тоа за долго, долго време”, напиша Ендрју Енглин на сајтот DailyStormer, платформа на американската екстремна десница.
Организаторот на собирот во Шарлотсвил Ричард Спенсер исто така го изрази своето задоволство од ставот на Трамп и рече дека со него се гордее: «Изјавата на Трамп е праведна и прагматична».
Многу други познати фигури на екстремната десница, алт-рајт, му дадоа поддршка на Трамп. Како Џек Пособиек кој се радува што нивното движење е сега на врвот на сите вести во медиумите. Особено откако властите на Вирџинија, каде се наоѓа Шарлотсвил, ги блокираа каналите на комуникација на екстремистите.