Повредата на рамето поради што беше доведен во прашање и преостанатиот дел од сезоната за Новак Ѓоковиќ, се чини, е минато. Српскиот тениски ас моментно е во Токио каде се подготвува за настап на турнирот од серијата 500, а меѓу тренинг сесиите најде време и за забава во добро расположение.
Водечкиот рекет на АТП листата, кој денеска ја почна 271 недела како лидер, за време на престојот во јапонскиот град се појави како гостин во сумо клуб, а импресиите од посетата ги сподели на социјалните мрежи.
https://www.youtube.com/watch?v=x7M4neDihQA
Ѓоковиќ во првото коло во Токио ќе игра со 28 годишниот Австралиец Алексеј Попирин, тенисер кој сè уште е без титула во поединечна конкуренција. Оваа сезона беше дел од главниот турнир на сите четири гренслеми, а најдалеку стигна во Мелбурн и во Њујорк – до трето коло. Настапот во Токио ќе биде прв за српскиот тенисер по Ју-Ес опен.