Најмалку 30 луѓе се мртви по воздушните напади врз затвор во главниот град на Јемен, Санаа извршени од страна на коалиција предводена од Саудиска Арабија. Целта бил затвор кој е под контрола на бунтовниците против кои се бори јеменската влада. Повеќето од жртвите биле затвореници.
Демолирано било едно крило од затворот, по што настанала паника и затвореници се обидувале да побегнат.
Коалиција инаку ја поддржува владата на Јемен која се бори против бунтовничкото движење Хути.
Според бројките на ОН, од почетокот на конфликтот во 2015 година, повеќе од 8600 луѓе загинаа а речиси 50.000 се повредени откако коалициските сили се вклучиле.
Жртва на овој конфликт се околу 20 милиони луѓе на кои им е неопходна хуманитарна помош.
Нападот бил извршен во раните утрински часови.