Published: Sunday, July 20, 2025 21:48
Зошто организаторите и надлежните ниту еден најавен прес не одржаа и зошто медиумите не беа мотивирани настанот да го афирмираат се прашања кои јавноста овдешна ги заслужува зашто ова не е можно негативно да не одекне кај земјите кои овде во Македонија ги испратија своите деца да спортуваат, да се натпреваруваат, да се запознаваат и да другаруваат.
Зоран Иванов
Почна EYOF 2025 – Европски младински олимписки фестивал со учество на над 4.000 учесници, ученици меѓу 14 и 18 години.
Девојчиња и дечиња наши гостинчиња, млади спортистки и спортистии од речиси сите европски држави.
Младинско олимпискио дефиле на земјите учеснички ама салата Јане Сандански“ во Скопје, празна.
Празна. Без публика.
Организаторите ја нагрбиле само Претседателката на Република Северна Македонија, госпоѓа Гордана Сиљановска Давкова да им аплаудира на децата учесници во дефилето.
Ако добро забележаа камерите на МТВ која, патем, настанот го премолчи се до вчера кога само скромно со вест го најави, ја оставија само Сиљановска на празните трибини да го бели образот македонски домаќински која, верувам, во еден таков организаторско лузерски амбиент, се чувствуваше ептен непријатно.
И сега се чекаат одговорите за тоа кој и зошто го молчеше и го премолчуваше, практично го прикриваше досега најголемиот по број на учесници меѓународен настан одржан во независна Македонија.
И зошто организаторите и надлежните институции домаќини и посебно зошто и од кои причини, од немање сенс ли или од некои и некакви политички мотиви, спортските редакции и спортските новинари го игнорираа се до денеска до денот на „олимпискиот почеток“.
Зошто организаторите и надлежните ниту еден најавен прес не одржаа и зошто медиумите не беа мотивирани настанот да го афирмираат се прашања кои јавноста овдешна ги заслужува зашто ова не е можно негативно да не одекне кај земјите кои овде во Македонија ги испратија своите деца да спортуваат, да се натпреваруваат, да се запознаваат и да другаруваат.
Кој и од медиумите, од бројните спортски и информативни редакции ја утнаа темата освен Радио Бубамара кој беше единствениот медиум кој месец и повеќе наназад го најавуваше овој еден од најзначајните имладински и спортски и меѓународни настани во земјава.
Македонија еве пак ја утна работата. Со мотив или од аљкавост, го изигнорира најкрупниот, најмасовниот меѓународен спортски и воопшто меѓународен настан во Независна Македонија.
Непријатност зрачеше од речиси празните трибини во спортскиот центар „Јане Сандански“ во Скопје.
Ова генерација ја испушти шансата да го репризира домаќинлукот по примерот на крупните спортски меѓународни настани кога Скопје, во времето на СФРЈ, беше домаќин на
Светското првенство во Хокеј на мраз категорија „Ц“ и на Шаховската олимпијада.
Но се случи оваа вечер во која некој или некои, со ваков или со онаков мотив, го бојкотораше или го бојкотираа Европскиот младински олимписки фестивал.
Всушност, ја бојкотираше или ја бојкотираа Македонија.