Вехби Кајтази, главниот и одговорен уредник на косовскиот портал „Инсајдери“, бил нападнат денес во центарот на Приштина со удари в лице.
– Знам кој ме нападна. Тоа е поврзано со мојата работа. Очекувам Обвинителството и полицијата да го расчистат случајот, изјави Кајтази откако побара лекарска помош по нападот.
Сепак тој не сака да го открие идентитетот на напаѓачот кој бил приведен и поради тоа што се води полициска истрага против него.
Тој вели дека знае кој го нападнал и дека мотивот е тоа што го пишувал, но поради полициската истрага не смее да го открива идентитетот. Според косовската полиција, нападот на Кајтази го извршиле повеќе лица.
Косовски новинари денес излегоа на протест како поддршка за нивниот колега и за „да има медиумска слобода и безбедност на новинарите“. Ова не е прв напад врз новинар во Косово. Пред два месеца во Приштина бил нападнат и директорот на „Инсајдери“, Парим Олури.
Косовската Влада го осуди нападот.
Порталот „Инсајдер“ е познат по истражувачките текстови и по откривање многубројни афери во косовските институции.