Човекот кој вчеравечер со камион влета во толпата луѓе на Денот на Бастиља во Ница и уби најмалку 84 лица, меѓу кои и десет деца, а повреди повеќе од 150, им бил познат на француските власти по мали дела, но не бил на листата на лица поврзани со терористи, пишува Гардијан.
Според АФП, властите формално го идентификувале напаѓачот, но досега е познато само дека се работи за 31-годишен француски државјанин кој има потекло од Тунис. Овие податоци се од личните документи, кои биле пронајдени во камионот.
Напаѓачот и бил познат на полицијата од порано поради крадење и насилство, но не бил на листата на луѓе на француските разузнавачки служби, осомничени за врски со тероризмот.
Францускиот претседател Франсоа Оланд нападот го оцени како терористички чин, иако ниту една група досега не ја презеде одговорноста за масакрот. На интернет веќе циркулираат пораки и слики од социјалните мрежи, каде што членовите и симпатизерите на Исламската држава слават за нападот. Поради тоа, истрагата за нападот ја презеде Француската антитерористичка служба.
Инаку, „портпаролот” на Исламската држава Абу Мухамед ал-Аднан уште во 2014 година ги повика приврзаниците на ИСИС да извршат напади на идентичен начин како што го направи овој возач, објави Би-Би-Си.
Во видеото што циркулира на Интернет се гледа дека возачот речиси 2 километри газел преку панично толпата, пред да бидат застрелан од страна на полициските службеници.
Во камионот пронајдени се пиштол, пушка, неколку лажни пиштоли и гранати.
По нападот во Ница во Франција е прогласена тридневна жалост.