Стартот на новата НБА сезона во знакот на Леброн Џејмс. Екипата на Кливленд го декласираа Њујорк со 117:88 во воведната вечер од 71. издание на најквалитетната кошаркарска лига во светот.
Шоуто на ѕвездата на кавалирси започна по подигнување на шампионското знаме под кровото на „Квилен Лонс“ арена. Џејмс забележа нов трипл-дабл, негов 49 во кариерата и против никси постигна 19 поени и имаше 14 асистенции и 11 скока.
„Извонредно е чувството во вакви моменти. Тешко беше да се концентрираме на натпреварот. Успеавме, сепак, да завршиме одлична работа, особено во второто полувреме. Ова беше меч со многу емоции“, рече Џејмс кој лани го предводеше Кливленд до првиот шампионски прстен по пауза од 52 години.
Њујорк, кој во паузата меѓу две сезони направи тим за респект, успеваше да одолее во првиот дел до 48:45. Во продолжението следуваше тотален распад. Кармело Ентони беше најефикасен со 19 коша, Роуз додаде 17. Триумф на домашен терен оствари и Портланд во дуелот со Јута со 113:104, а Сан Антонио го совлада Голден Стејт со 129:100 во меч во кој спарси постигнаа преку 30 поени во сите четвртини. НБА лига Резултати: Кливленд – Њујорк 117:88, Портланд – Јута 113:104, Голден Стејт – Сан Антонио 100:129