Но овојпат се чини ДУИ се утна во две работи кои не се во прилог на нејзината намера за враќање на рејтингот зашто одбра многу неадекватна локација за протести и блокади, го одбра Уставниот и тоа пак со примеси на својата проверена алатка, со вбризгување партиска инфузија на засега благ национализам и, во оваа своја најнова партиска креација, авторите имаат две евидентни фалинки…
Зоран Иванов
Засега кротко и во стилот налик на Шарената, ДУИ сред зима, демек жртва со додадена вредност, се обидува на топло да ја држи својата партиска активност зашто од за неа неочекувана и непосакувана позиција на опозиција, реши да почне да ја загрева атмосферата за локалните догодина како надеж за наредните предвремени или редовни парламентарни, сеедно, за да си се врати каде што смета дека и е местото за стално, да си запоседне министерства и ресурси зашто вака, во опозиција, како да се во туѓи чевли и се е убаво, дозволливо, нели партиски активности, но овојпат се чини дека ДУИ се утна во две работи кои не се во прилог на нејзината намера за враќање на рејтингот зашто одбра многу неадекватна локација за протести и блокади, го одбра Уставниот и тоа пак со примеси на својата проверена алатка, со вбризгување партиска инфузија на засега благ национализам, ама, ама во оваа своја најнова партиска креација, авторите имаат две евидентни фалинки, првата е фактот дека од 2001-ва наваму, од Рамковниот досега, помина време побаеги, време во кое израснаа нови генерации гласачи Албанци, се школуваа и образуваа, магистрираа и докторираа, отвораа бизниси и го шетаа светот, генерации гласачи кои не ќе може туку така да бидат излажани, уште помалку изманипулирани преку изветвени националистички финти како оваа со Уставниот и, втората, втората е во фактот што, за разлика од претходно, ДУИ е сега соочен со силна опозиција која доби доверба токму од тие нови генерации гласачи Албанци па, оттука, кажано и во оваа една реченица, мошне е извесно дека ДУИ би собрал повеќе граѓански аплаузи и повеќе албански гласови доколку своите шатори наместо пред Уставен ги растегне пред Кривичен зашто не во Уставниот туку во Кривичниот е иљачот за оваа напатена и од политиката до гуша криминализирана Македонија.
Текстот е сопственост на ЦивилМедиа