Published: Saturday, February 12, 2022 09:38
Последните податоци за состојбата со ковид-19 во земјава покажуваат дека активни се 11.727 случаи од кои најголем број 7.081 се во Скопје.
Според вчера објавените податоци од Институтот за јавно здравје при направени 3.996 тестови, регистрирани се 1.348 нови случаи со ковид-19, 11 починати и 1 247 оздравени пациенти.
Од вкупно 1.348 нови случаи регистрирани се 196 реинфекции.
Здравствените власти постојно апелираат дека вакцинацијата останува најдобра заштита од ковид-19, особено од хоспитализација и смрт.
Вкупниот број ковид-дијагностицирани лица во земјава од почетокот на епидемијата достигна 284 875, бројот на оздравени пациенти е 264 443, а на починати 8 705.