Нема затворски притвор за ниту еден од осомничените во случајот „Транспортер“. Кривичниот совет на Основниот суд Скопје 1 вечерва ги укина и последните три решенија за овој случај и позитивно одговори на нивните жалби.
Со ова наместо мерката притвор, одредена од судијата на претходна постапка, советот определи мерки обезбедување присуство, односно одземање на пасош, обврска да се јавува во судот во Битола и забрана да го напуштат живеалиштето.
Истрагата за „Транспортер„ опфаќа вкупно 81 криминално дејствија. Во неа осомничен е и Градоначалникот на Битола Владимир Талески, кој заедно со општинскиот претседател на Комисијата за јавни набавки и група превозници ги местеле тендерите за превоз на ученици со што општина Битола го плаќала најскапиот превоз во светот .
Осомничени се 22 лица за злоупотреба на службената положба, а за 11 од нив беше побарана мерка притвор