Како се формирал национализмот во Македонија, за каков национализам станува збор, кои се неговите генетски кодови, фантазии и форми…
Оваа интересна и неисцрпна тема е обработена во најновата книга на професорот Љубомир Фрчкоски, „Неспокоен национализам”, промовирана вчера во Скопје на Правниот факултет.
Од вчерашната промоција на Правниот факултет во Скопје
Книгата има околу 400 страни и ги објаснува процесите на осамостојување на македонската држава и формирање на национализмот на Македонците во форма на идеологија на нација-жртва, или карактеристичен модел на пасивно-агресивен националистички гнев.
Книгата ја издаде “Култура” која напиша дека “конструктот на македонскиот национализам, кој авторот го нарекува неспокоен, ќе биде развиван или, подобро, деконструиран, од неговaта современост, од розата на неговите показни епифеномени, кон неговите корени и причини, наназад, во флеш бекови, од формите во кои се покажува кон причините зошто се формирал онаков каков што е”.
За книгата говореа Славчо Димитров и новинарот Бранко Тричковски кој направи и анализа на политичкиот амбиент во земјава.