Авион со 72 патника и девет членови на екипажот се урна во близина на Меделин во Колумбија. Светските медиуми јавуваат за настрадани, претставници на спасувачките служби, пак, за најмалку десет повредени и префрлени во болница. Бројот на настраданите засега е непознат. Во леталото кое се движеше кон вториот колумбиски аеродром по величина беа и фудбалерите на бразилски Шапокоенсе. Се сомнева дека причина за несреќата е немање доволно гориво.
Авионот од типот „Аероспејс 146“ полета од Сао Паоло во Бразил и имал едно застанување во Санта Круз де ла Сиера во источна Боливија каде веројатно танкирал гориво, но, се чини, недоволно, по што се упатил кон Колумбија. Светските агенции наведувааат дека со истиот авион овој месец леташе и фудбалската репрезентација на Аргентина. Бразилските медиуми јавуваат дека авионот загубил контактот со контрола на летот нешто по полноќ по локално време и дека несреќата се случила неколку минути пред слетување.
Шапокоенсе патуваше во Колумбија на натпревар со домашниот Атлетико Национал во финалето на Купот Судамерикана што требаше да се одигра утре.