Преполовен е бројот на деца со респираторни болести во текот на изминатите две години во Полошкиот регион. Податоците ги објави денеска организацијата Еко Герила и невладината Мајка и дете.

-Како страшен доказ е бројот од нула до шест години со респираторни проблеми, каде што разликата е речиси двојно помала. Во 2015 година, кога работеше Југохром, од респираторни болести во болница се пријавиле околу 31.444 , а во 2017 година кога Југохром не работеше, бројот падна на 18.578. Сами пресудете колкаво влијание има загадувањето на животната средина врз здравјето на децата, вели Елмедина Абдулаи, НВО Мајка и дете. 

Дури и меѓу лицата на возраст од 6 до 24 години, од 2015-2017, респираторните заболувања се намалиле за 30%. Од двете организации нудат правна помош за сите кои сакаат да поднесат тужба против загадувачот Југохром.

-Ќе обезбедиме правна помош за граѓаните чие здравје е нарушено од екоцидот предизвикан од комбинатот во соработка со адвокати, правни експерти и од животната средина. Ние, исто така, ќе поднесеме кривични пријави во Обвинителството за оние кои го дозволија ова бавно убиство. Сите оние кои се заинтересирани за покренување на граѓанска тужба ги поттикнуваме да го сторат тоа, изјави Аријан Џафери, Еко Герила.

Во споредба со периодот 2012 – 2015, во текот на изминатите две години, загадувањето на воздухот во Тетово, откако Југохром работеше со половина капацитет или целосно беше запрен, се намали за 60%.