Независниот академски синдикат го поздравува покачувањето на минималната плата, кое е усвоено на последниот Економско-социјален совет.
Покачувањето, според нив, ќе го подобри статусот на работниците со најниски плати и е во насока на подобрување на нивниот животен стандард.
„Оваа мерка не треба да го воедначи трудот на вработените коишто имаат различно ниво на образование и извршуваат работа со различна сложеност. Воедно, покачувањето на минималната плата треба да се одрази и на висината на останатите плати во јавниот сектор, чиј коефициент е врзан за минималната, но и за просечната плата“, се вели во дописот на НАкС.
Оттаму апелираат изменетата методологија за пресметка на минимална плата да се почитува доследно, истовремено де се почитуваат и останатите законски прописи и колективни договори кои ја уредуваат оваа материја.