МВР денеска преку соопштение најави дека е подготвено на разговори за секое барање или предлог на синдикалните организации на полициските службеници и други вработени во оваа институција.
Ова следи по денешниот проетст на Независниот синдикат на полицијата.
-По доаѓањето на актуелното раководство на МВР преземени се низа чекори за подобрување на условите за работа на вработените во Министерството. Во тек се конкретни активности за подобрување на стандардот на работење на полициските службеници, почнувајќи од набавка на основната полициска опрема како што се униформи и чизми, нешто што се нема случено скоро цела деценија.
Актуелното раководство на МВР досега ниту одбило каков и да е синдикален предлог, ниту пак има намера во решавањето на проблемите да ги исклучи полициските синдикати. Напротив, сметаме дека само заеднички можеме да дојдеме до најоптималните решенија. Ги покануваме претставниците на полициските синдикати на заедничка средба на која проблемите ќе бидат дискутирани, со цел тие да бидат решени, се вели во соопштението од МВР.
Синикалците денеска побараа од премиерот Зоран Заев и до министерот за внатрешни работи Оливер Спасовски ги побараа двете ветени покачувања на платите од по пет насто, едното во мај и другото во последното тримесечје од годината, кои не се реализирани.
-Не може да се случи министерот за финансии во изминатите два дена јавно да го даде се она што е подготвено од Владата на увид на сите граѓани како сума на пари кои ќе бидат трошени во 2018та година, сето тие што ние го гледаме да не задира во душата и создава потенцијален немир кај сите вработени во полицијата, вели Гоце Делчев од Независниот синдикат на полиција.
За Маријан Ристески од Конфередерацијата на синдикални организации, ова не се којзнае какви финансиски големи импликации на буџетот и може со мали средства да се задоволат барањата на колегите.
-Ние ја поздравуваме одлуката на Владата за покачување, не сме против одредени структури во државата како образование, здравство, свесни сме дека ова преку ноќ не може да се реши, но се надеваме и очекуваме одредени промени во односот на одредени луѓе во министерствата кон овие луѓе да биде покоректен, рече Ристески.