Published: Friday, April 15, 2022 13:45
Се разговара за барањето и оризот да влезе во стоковните резерви, изјави Министерот за земјоделство, шумарство и водостопанство Љупчо Николовски.
-Разговараме кои дополнителни земјоделски производи бараме да влезат, како што е оризот и некои други. Макотрпно се работи на тој процес. Имавме средби со Министерството за финансии, но од она што го знам, резервите досега не се ставени во функција зашто Министерството за економија соопшти дека има доволно залихи и дека е направен увид во компаниите кои се дел од нивните регистри, објасни министерот.
Тој вели дека државните резерви не се активирани зашто, според Министерството за економија, суровини и репроматеријали има доволно.