Менаџерското деби на Франк Лампард на клупата на Челзи се претвори во кошмар на „Олд Трафорд“. Манчестер јунајтед славеше со 4:0 во дерби пресметката на воведното премиерлигашко коло во новата сезона и испрати силна порака дека максимално ќе казнува од секоја укажана прилика без разлика дали ќе доминира во статистичките категории или не.
Тоа беше случај и против „сините“ од „Стемфорд Бриџ“ кои беа нешто поофанзивни, имаа поголем посед на топка, упатија повеќе закани кон Де Хеа, ги погодија и рамки на противничкиот гол, но радост не дочекаа на „Театарот на соништата“. Првата казна за промашувањата дојде во 18. минута од пенал пришто сигурен егзекутор беше Маркус Рашфорд.
https://www.youtube.com/watch?v=BjdiRrHikZI
Антони Марсијал во 65. минута зголеми на 2:0, а минута подоцна по вторпат во листата на стрелци се додаде Рашфорд. Четвртиот гол за „црвените ѓаволи“ беше дело на дебитантот Даниел Џејмс кој на најдобар можен начин му возврати на Оле Гунар Солскјер во 81. минута за дадената шанса против Челзи.
Во останатите два неделни меча од првата рунда, Арсенал со 1:0 славеше на гостувањето кај Њукасл додека Лестер и Вулверхемптон одиграа без голови на стадионот „Кинг Пауер“.
Премиерлига, 1 коло
Недела
Лестер – Вулверхемптон 0:0
Њукасл – Арсенал 0:1
Манчестер јунајтед – Челзи 4:0
Сабота
Вест Хем – Манчестер сити 0:5
Борнмут – Шефилд јунајтед 1:1
Барнли – Саутемптон 3:0
Кристал палас – Евертон 0:0
Вотфорд – Брајтон 0:3
Тотенхем – Астон Вила 3:1
Петок
Ливерпул – Норич 4:1