Десет лица се убиени, а најмалку 16 повредени во масовно пукање во Дејтон, Охајо, потврди полицијата. Maсакрот овојпат се случи пред бар и доаѓа по нецели 24 часа од трагичниот настан во Ел Пасо, Тексас каде загинаа најмалку 20 лица.
Напаѓачот во Ел Пасо уби 20 луѓe во трговски центар
„Имавме полицајци во непосредна близина кога започна пукањето и можевме брзо да реагирам“, соопштија од полицискиот оддел Дејтон во твитот.
Напаѓот е убиен. Неговиот идентитет не се открива ниту кои биле мотивите за нападот.
На снимките објавени на социјалните медиуми се гледа како луѓе трчаат додека десетици истрели одекнуваат низ улиците.
Хронологија на масакри во САД
Во САД за неколку часа се случија два масакри во кои вкупно загинаа околу 30 луѓе, а повредени се десетици.
Во еден часот по полноќ по локално време во американскиот град Дејтон се случи вооружен инцидент во кој загинаа најмалку 10 луѓе. Според американските медиуми се уште не е познат точниот број на повредени лица.
Инцидентот се случи само неколку часа откако во Ел Пасо 21-годишно момче уби 20 и повреди 26 луѓе откако отвори оган во продавница на „Волмарт“.
Според „Ју-Ес-Еј Тудеј“ (USA Today) маскрот во Ел Пасо е 250 пукотница што се случила во САД.
6 ноември, 2017 година: Во напад врз баптистичката црква во градот Садерленд Спрингс во Тексас убиени се 26 лица, а 20 повредени.
1 октомври, 2017 година: Стивен Педок уби 58 лица за време на концерт во Лас Вегас. Во нападот беа повредени 500 лица. Напаѓачот се самоуби при полицискиот упад во хотелската соба од која пукаше врз посетителите на концертот.
12 јуни, 2016 година: Омар Матин уби 49 посетители на геј клуб во градот Орландо во Флорида. Матин беше убиен во престрелка со полицијата.
25 февруари, 2016 година: Седрик Форд уби три лица, а рани 14 во компанијата за одржување на тревници каде што работел во градот Хестон во Канзас.
20 февруари, 2016 година: Шест лица беа убиени во градот Каламазу, во сојузната држава Мичиген. Жртвите беа убиени во станбена зграда, во продавница на автомобили и во ресторан. Адвокатите на осомничениот убиец Џејсон Далтон најавија дека ќе го бранат како душевно пореметена, непресметлива личност.
2 декември, 2015 година: Напаѓачите Сајед Ризван Фарук и неговата сопруга Тафшин Малик убија 14 лица, а повредија 20 во центар за социјална помош во Сан Бернардино, Калифорнија. Двајцата напаѓачи беа убиени во престрелка со полицијата.
1 октомври, 2015 година: Десет студенти и професори беа убиени на колеџот Умпка во Роузбург во сојузната држава Орегон, од страна на студент, кој потоа и самиот беше убиен од полицијата.
17 јуни, 2015 година: Дилан Руф уби девет лица во методистичка црква во Чарлстон.
23 мај, 2014 година: Студент уби шест лица, а 13 беа ранети при напад врз универзитетот Санта Барбара во Калифорнија. Тој по нападот се самоуби.
16 септември, 2013 година: Компјутерскиот техничар Арон Алексис уби 12 лица во зграда на американската воена морнарица
14 декември, 2012 година: Во основното училиште Сенди Хук во Њутаун во сојузната држава Конектикат убиени се 20 деца и шест учители. Напаѓачот боледувал од депресија.
27 септември, 2012 година: Отпуштен работник во компанијата Аксент во Минеаполис убил шест поранешни колеги, по што се самоубил.
20 јули, 2012 година: Маж со нарушено психичко здравје уби 12 лица, а повреди 70 во кино сала во градот Аурора во Колорадо, за време на премиерата на новиот Бетмен филм