Нова престрелка во САД: Две лица се убиени, осум повредени во Јужна Каролина

Две лица се убиени, а осум се повредени за време на престрелка во кафе бар во градот Ланкастер во американската сојузна држава Јужна Каролина. Според ТВ „Си-Ен-Ен“, нападот се случил во три часот наутро по локално време додека полицијата сè уште не знае дали станува збор за напаѓач или напаѓачи.

„Напаѓачот или напаѓачите се и натаму во бегство. Мора да разговараме со сите кои биле во локалот за време на нападот“, изјави Бери Фејл, шериф во округот Ланкастер.

Четворица од осумте повредени лица се превезени со хеликоптер во болница, но засега нема информации за нивната здравствена состојба. Полицијата е претпазлива и не изнесува никакви детали ниту мотиви за најновиот вооружен напад во САД.