Тешки обвиненија на сметка на италијанскиот шампион, Јувентус упати новиот генерален директор на италијанската државна телевизија „РАИ 2“, Карло Фречеро. Според него, раководството на „старата дама“ манипулира и со системот за видео-арбитража (ВАР), пренесе „Фудбал Италија“.
Промоцијата на Фречеро на новата функција се случи денеска и на прес-конференцијата притоа беше запрашан дали планира да ја зголеми фудбалската содржина на телевизијата со купување на правата за Суперкупот на Италија и Купот на земјата. Неговиот одговор беше шокантен.
„Веќе гледам само Премиерлигата бидејќи во Италија секогаш победува Јувентус и освојува се. Тоа е затоа што од овој клуб го „окупирале“ дури и ВАР. Тие ги контролираат сите видео-арбитри. Манипулираат со се, прават какви не маневри. Многу иритирачко е нивното однесување“, изјави Фречеро.
Тој, сепак, заврши со „Форца Рома“ што донекаде го оправдува неговиот претходен став.