Според претседателот во заминување на САД, Барак Обама, пораката која тој ја пратил за “надеж и промени“ во 2008 година, ќе го победше Доналд Трамп на последните избори во САД, доколку Уставот му дозволуваше повторно да се кандидира по двата поминати мандати во Белата куќа.
– Убеден сум во оваа визија и убеден сум дека доколку водев кампања, ќе го мобилизирав американскиот народ зад идејата. Го знам тоа од разговорите кои ги имав со луѓето низ земјата, и дури и оние кои претходно не се согласуваа со мене, рекоа дека мојата визија е вистинската, изјави Обама, пренесуваат американските медиуми.
Барак Обама беше цврст поддржувач на Хилари Клинтон за време на нејзината кампања, кога порача дека би било навреда доколку Афроамериканците не ја поддржат. Тој, за време на нејзината кампања, рече и дека со Доналд Трамп висат достигнувањата на неговата администрација, но не и неговото име во историјата.
Меѓутоа и новиот претседател “го возврати ударот“. Како што знаел и претходно, Трамп ја искористи социјалната мрежа Твитер за да му одговори на Обама а во која објави:
„Претседателот Обама вели ќе победел против мене. Ако тој го вели тоа, јас велам НЕМА ШАНСИ. Порасна невработеноста, ИСИС, Обамакер, итн.“
Оваа негова порака следи откако за време пак на својата кампањата низ државите во САД, го критикуваше проектот „Обамакер“ на актуелниот претседател, а заедно со Хилари Клинтон ги претстави како основачи на терористичката организација – Исламска држава.