Претседателот на САД, Барак Обама во своите последни активности како претседател, одликуваше 21 јавна личност со Медал на слободата, највисокиот граѓански епитет, а помеѓу нив, НБА легендата Мајкл Џордан, актерот Роберт Де Ниро, водителката Елен, пејачката Дајана Рос и други.
– Секој кој стои на сценава ме допрел на многу моќен начин мене лично, рече Обама за време на церемонијата, дополнувајќи дека дел од неговото претседателство се должи и на овие личности.
Интересно за јавноста е тоа што повеќето од одликуваните беа критичари на неговиот наследник Доналд Трамп, за време на претседателските кампањи.
Актерот Роберт Редфорд, милијардерите Бил и Мелинда Гејтс, актерот Том Хенкс, НБА легендата Карим Абдул Џабар, пејачот Брус Спрингстин, се исто така помеѓу одликуваните.
извор: The White House
Дел од неговите говори за одредени личности, американските медиуми ги опишуваат и како тажни, остри и со силни пораки како на пример говорот посветен за Елен Деџенерес, која отворено прозборе во јавноста за својата сексуална ориентација.
Обама на церемонијата отворено зборуваше за донациите на Бил и Мелинда Гејтс наменети за добротворни цели, кои потрошиле речиси 40 милијарди во текот на својот живот за подобар живот на децата во Африка и останатите делови од светот.
За Де Ниро пак, рече дека неговите улоги останале запишани во историјата.