Обама и Трамп се сретнаа денес и за прв пат во Белата куќа.
Претседателот Барак Обама по средбата која траеше 90 минути изјави дека разговорот бил “одличен” помеѓу него и Доналд Трамп кој ќе го наследи на 20 јануари 2017 година.
“Сакаме да направи се што е можно за да ви помогнеме да успеете”, му рекол Обама на Трамп. Тие зборувале за надворешната политика како и за внатрешната политика.
“Каква и да е нашата политичка ориентација и нашите партии, мислам дека сега е важно да се соединиме и да работиме заедно”, изјави Обама.
Милијардерот и нов кираџија на Белата куќа изјави дека со “нетрпение чека да работи со демократскиот претседател и да ги слушне неговите совети”.
“Навистина зборувавме за многу аспкети, некои пријатни, некои тешки”, рече тој и додаде дека домаќинот му ги објаснил големите достигнувања кои биле направени.
Трамп рече исто така дека има многу почит за Обама:
“Господине претседател, ми беше голема чест да бидам со вас и со нетрпение ги чекам да се сретнеме во многу прилики”.
Откако пред новинарите ги дадоа овие изјави двајцата се ракуваа но не одговараа на новинарските прашања.
Денес без заборавени сите навреди кои Трамп ги изрече на сметка на демократите и владеењето на Обама.
И додека Барак и Доналд зборуваа за политика во Овалната соба, Мишел Обама и Меланија Трамп се запознаа.
Мишел ја прими Меланија во претседателската резиденција. Оваа средба се одржа далеку од камерите.
Неколку збора на ова тема кажа претседателот Обама:
“Мишел ја прими Првата дама и имавме одличен разговор со неа”.
Вообичаено во текот на првиот контакт помеѓу Првата дама и идната Прва дама станува збор за начинот на живот во Белата куќа или образованието на децата.