Претседателот на САД, Барак Обама изјави дека не постои јасен доказ дека нападот кој се случи во геј клубот во Орландо Флорида е во режија на Исламската Држава (ИД). Сепак, истрагата за нападот кој се случи вчера, а во кој животот го загубија 50 луѓе, се третира како терористичка истрага, рече тој.

Обама денеска посочи дека напаѓачот Омар Матин – роден во САД со авганистанско потекло, најверојатно бил под влијание на екстремисти, но оти нема директни докази кои укажуват дека тој делувал под инструкции или дека е дел од поголем заговор.

По трагичниот настан во САД прогласена е тридневна жалост.  Обама денеска издаде наредба знамето на САД на Белата куќа, сите јавни згради, бродови на американската морнарица, амбасади и конзуларни преставништва во странство да бидат поставени на половина копје, во чест на жртвите од масакрот.

„Во знак на почит кон жртвите од терористичкиот напад изведен во недела на 12 јуни во Орландо, Флорида, во согласност со овластувањата што ги имам како претседател на Соединетите Американски Држави, во согласност со Уставот и со законите на САД, издавам наредба знамето на САД да биде спуштено на половина копје на Белата Куќа и на сите јавни згради и имоти, на воените објекти, морнарички бази и на сите пловила на морнарицата на Федералната влада во Округот Колумбија и низ целата територија на Соединетите Држави и териториите во нејзино владеење, сè до зајдисонце на 16 јуни 2016 година. Исто така, наредувам знамето да биде спуштено на половина копје, во истиот период, на сите амбасади на САД, конзуларни преставништва и други објекти во странство, вклучително и на сите воени објекти, бродови на морнарицата и бази“, стои во прокламацијата на претседателот  Обама.

.@POTUS orders U.S. flags flown at half-staff to honor the victims of the attack in Orlando: https://t.co/k6QWAbrHAh pic.twitter.com/uivIQQQC9j

— White House Archived (@ObamaWhiteHouse) June 12, 2016

29 годишниот  напаѓач Омар Матин од Порт Сент Луси на Флорида, оддалечено повеќе од 100 милји од местото на масакрот, беше убиен во престрелка со полицијата. Тој во нападот на геј клубот со себе имал пушка и пиштол. Нападот се случи во клубот Пулс во Орландо, Флорида, во раните утрински часови во недела по локално време.

Напаѓачот, пред да биде убиен од полицијата, еден час држел во заложништво десетици од гостите на забава на ЛГБТ заедницата во Орландо.

Веднаш по нападот ИД соопшти дека напаѓачот бил нивен член.

Ефектот Орландо: Опасен потсетник за македонската хомофобија