Поради најава за слични временски услови, во Бугарија денеска е прогласен и портокалов метео-аларм
Претежно облачно со повремени врнежи од дожд кои ќе бидат поинтензивни во западните делови. Поради адвекција на прашина од Сахара ќе има услови дождот да биде обоен. Ќе дува засилен, а вдолж Повардарието и во источните делови силен ветер од јужен правец, наместа со брзина и над 60 км/час. Максималната температура ќе биде во интервал од 14 до 19 степени, прогнозираат денеска од Управата за хидрометеоролошки работи.
Во Скопје времето ќе биде претежно облачно, со повремени врнежи од дожд и со умерен до засилен јужен ветер.
Поради најава за слични временски услови, во Бугарија денеска е прогласен и портокалов метео-аларм.
Од ЈП „Паркови и зеленило“ ги предупредија граѓаните да не ги оставаат возилата под високите дрвја поради најавената појава на засилен ветер.
Оттаму напоменуваат доколку граѓаните забележат паднато дрво, можат тоа да го пријават во Центарот за управување со кризи (ЦУК), на телефон 195 или директно да им се обратат со порака или на мејл, за екипите да интервенираат.