Неоправдано одложување на судските постапки, неповикување на странките и слични проблеми нотирала Коалицијата за правично судење, истакна денеска Натали Петровска, извршна директорка на Коалицијата на годинешниот состанок за следење на судски процеси.
Минатата година претставници на ОБСЕ набљудувала над 100 високо профилирани случаи, додека, а Коалиција за правично судење над 450 расправи во сите апелациски подрачја во земјата.
Набљудувани биле и случаи на СЈО.
Амбасадорката на мисијата на ОБСЕ во Македонија, Нина Суомалаинен истакна дека набљудувањето на судските процеси обезбедува владеење на правото и транспарентност на судските институции.
„Мисијата на ОБСЕ во Скопје е активна во оваа област бидејќи преку набљудувањето се обезбедуваат повисоки стандарди на судските процедури и коректност на истите. Целта е да се набљудуваат судските постапки во процедурален аспект, а не од суштински аспект на содржината, со што се обезбедува набљудување на Законот за кривична постапка и начелото на чесноста“, изјави Нина Суомалаинен – Амбасадорка на ОБСЕ во Македонија.
Во следните три дена, адвокати од седум мисии на ОБСЕ и претставници на 29 невладини организации од балканските држави, ќе разменуваат искуства и ќе дискутираат околу предизвиците поврзани со набљудувањето на судските случаи од висок профил и случаите на ранливите групи, малолетниците и етничките малцинства.